Në këtë kontekst, presionet klimatike dhe mungesa e kapaciteteve të magazinimit kërkojnë fokus te magazinimi shumëqëllimor (furnizim, ujitje, mbrojtje nga përmbytjet, energji), ndërsa analizat e vjetra duhen përditësuar me të dhëna dhe skenarë socio-ekonomikë të rinj, si edhe me zgjidhje “green-grey”.
WRIPS nuk është thjesht një raport; është instrumenti që kthen strategjitë e ujit dhe planet e menaxhimit të pellgjeve në projekte të matshme, të justifikuara ekonomikisht e të financueshme, me rrezik të ulët mjedisor/social. Ai vendos koherencë ndërmjet planeve ekzistuese dhe përcakton sekuencimin e investimeve për 10–15 vitet e ardhshme. Zbatues i projektit: konsorcium italian SWS Consulting Engineering S.r.l.. dhe ARS Progetti S.P.A. Kohëzgjatja e kontratës: 18 muaj.
Çfarë përfshin WRIPS 1. Vlerësim i resurseve ujore dhe i gjendjes së infrastrukturës, përfshirë modelim hidrologjik dhe ndikimet klimatike. 2. Bilance ujore dhe skenarë sektorialë (furnizim, ujitje, mjedis) me identifikim të pikave kritike. 3. Llogaria Kombëtare e Ujit (Water Accounts) si kornizë integruese për të dhëna, planifikim dhe vendimmarrje.
4. Auditim i masterplaneve ekzistuese (masterplani i viteve ’80 dhe ai i ujitjes 2020), skanim i opsioneve të deponimit të ujit, prioritarizim me modelim hidro-ekonomik dhe paketim projektesh (1 para-fizibilitet për projektin prioritar + PIF për 5 projektet pasuese). 5. SESA dhe përputhshmëri me kërkesat mjedisore e sociale kombëtare dhe ndërkombëtare. 6. Analizë e opsioneve të financimit dhe e kapaciteteve institucionale për operim dhe mirëmbajtje.
This content is created by the open source Your Priorities citizen engagement platform designed by the non profit Citizens Foundation